Od srčanog udara u 61. godini života umro je po mnogima najbolji fudbaler svih vremena Dijego Armando Maradona, a odmah nakon tužne vijesti koja je šokirala svijet počele su da stižu reakcije.

Od njega se opraštaju brojni aktivni i bivši sportisti putem društvenih mreža.

"Ostaćeš besmrtan svima koji vole fudbal. Hvala ti na svemu Dijego, počivaj u miru'', napisao je Pipo Inzagi.

Ronaldo je podijelio fotografiju sa Maradonom.

''Danas se opraštam od prijatelja, a svijet se oprašta od vječnog genija. Jedan od najboljih ikad. Čarobnjak bez premca. Prerano odlazi, ali ostavlja ostavštinu bez ograničenja i prazninu koja se nikada neće popuniti. Počivaj u miru, asu. Nikada nećeš biti zaboravljen'', napisao je Kristiano Ronaldo.

"Vječno hvala. Vječni Diego", napisao je Boca Juniors, Dijegov bivši klub.

Putem Instagrama od Malog Zelenog su se oprostili i fudbalski treneri Džoze Mourinjo te Andrea Pirlo.

"Imao sam samo osam godina kad sam gledao Diega na SP-u 1986 i to nikad neću zaboraviti. Od tada nisam nikad vidio ništa slično", napisao je bivši fudbaler Džejmi Karager.

Od svog bivšeg igrača oprostila se i Barca objavom na Twitteru. 

"Hvala ti za sve, Diego", stoji u objavi.

Maradona je igrao za Barcelonu, ali se i Real oprostio od legende. 

Maradona je Napoliju donio dvije i do sada jedine titule prvaka Italije. Klub se ovako oprostio od njega.

Maradona je na putu do svjetskog zlata u četvrtfinalu srušio Englesku. Zabio je oba gola u pobjedi 2:1. Prvi je bio Božjom rukom, a drugo je Gol vijeka. Ipak, strijelac za Englesku s te utakmice Geri Lineker je poslao dirljivu poruku.

''Vijesti iz Argentine kažu da je Dijego Armando Maradona umro. S neke udaljenosti bio je najbolji igrač moje generacije i vjerojatno najbolji svih vremena. Nakon blagoslovljenog, ali turbulentnog života, nadam se da će napokon pronaći utjehu u Božjim rukama'', napisao je Lineker.

Luka Dončić se oprostio od Maradone, kao i veliki Iker Kasiljas.